Impulso das comunidades locais de Zanzíbar con Street View

Colaboración para impulsar o crecemento

Facer mapas a escala é todo un reto. Por este motivo, o equipo de WT360 colaborou con 12 estudantes voluntarios da Universidade Estatal de Zanzíbar para que lle axudasen a crear o mapa da fermosa illa de Unguja. Seguindo os coñecementos de Federico, Nickolay e Chris, gravaron material de 1700 km.

A medida que Zanzíbar vai evolucionando, o equipo de Federico actualiza periodicamente as imaxes en 360º das rúas para contribuír ao desenvolvemento das infraestruturas e a atraer máis visitantes ao país.

Máis visibilidade en todo mundo para as empresas con imaxes en 360º

Este ano, Federico comezou a explorar a illa de Pemba, situada ao norte. En tan só 6 días, Federico e mais Ibrahim Khalid, un antigo estudante que fixo de voluntario, capturaron máis de 500 km de imaxes e 40 panorámicas aéreas, que cargaron a Google Maps usando Street View Studio.

Grazas ás gravacións de atraccións turísticas, de lugares que son patrimonio histórico, de hoteis e de comercios, puideron crear National Global Tour de Zanzíbar, unha plataforma nacional de imaxes que está a crecer rapidamente e que promove as illas por todo o mundo.

De facer mapas a crear emprego

Cando Federico coñeceu a Shamymu Yassin, esta era unha estudante que soñaba con facerse piloto de drons. Para cumprir o seu compromiso de mellorar o futuro de Zanzíbar, Shamymu recorreu ao equipo de WT360 para obter máis información sobre a tecnoloxía de Street View. Ensináronlle cal era a mellor cámara que podía usar, como capturar imaxes e como cargalas en Google Maps. En pouco tempo, Shamymu pasou a ter dominado este proceso e a ser unha fotógrafa profesional que gaña a vida explorando illas de Zanzíbar e creando mapas delas.

Federico, Shamymu e Ibrahim están a traballar en cargar novas imaxes aéreas de Zanzíbar, prestándolles especial atención ás zonas desenvolvidas máis recentemente, aos novos comercios e aos hoteis renovados. E agora que vai abrir o parque de atraccións de Zanzíbar, a súa misión non para de crecer.

Artigo relacionado

Preparativos para o traballo de creación de mapas de Zanzíbar e apoderamento da poboación local

Obtén máis información sobre como o Goberno de Zanzíbar e o equipo de fotografía de WT360 iniciaron o proxecto de crear mapas do país.

Ler artigo

Mapas a escala de Zanzíbar: publicación de datos de forma máis intelixente e rápida con Street View Studio

A calidade das imaxes e das cámaras mellorou desde 2019 e, tras o lanzamento de Street View Studio, publicar imaxes é máis doado e rápido. Os fotógrafos agora poden cargar varios vídeos en 360° ao mesmo tempo, controlar o seu progreso, facer buscas no material cargado por lugar ou polo nome orixinal do ficheiro e planificar coleccións futuras usando capas de mapas interactivos.

Construíndo o futuro

Project Zanzibar comezou co obxectivo de apoderar e formar os estudantes de Zanzíbar para que soubesen facer mapas do seu país e, partindo diso, conseguiu ter un impacto global. Despois de tres anos, o proxecto puxo o foco nos negocios locais e deu oportunidades profesionais a antigos voluntarios como Shamymu e Ibrahim.