Argazkien iturburuak
Street View-ko argazkiek bi iturburu dituzte: Google eta gure kolaboratzaileak.
Gure edukia
"Street View" edo "Google Maps" agertzen da Google-ren edukian. Automatikoki lausotzen ditugu aurpegiak eta matrikulak gure irudietan.
Beste kolaboratzaile batzuen edukia
Erabiltzaileek ekarritako edukiak saka daitekeen kontu-izen bat du, eta zenbait kasutan, baita profileko argazki bat ere.
Nola osatzen du Street View Google-k
Street View irudiak partekatu ahal izateko, gogor lanean dihardu ingeniari taldeak kameren atzean. Hona hemen Street View erabilgarri izan dezazun taldeak egiten duen lanaren errepaso orokorra.
-
1. URRATSA
Irudiak jaso
Lehenik, han-hemen gidatu beharra dago, Street View-n erakutsi nahi diren kokapenen argazkiak egiteko. Hainbat faktore hartzen dugu kontuan –hala nola eguraldia eta zenbait eremutako populazio-dentsitatea–, ahalik eta irudi onenak noiz eta non lor ditzakegun erabakitzeko.
-
2. URRATSA
Irudiak lerrokatzea
Irudi bakoitza mapako kokapen geografikora egokitzeko, GPS, abiadura eta norabidea neurtzen dituzten autoko sentsoreen seinaleak konbinatzen ditugu. Horrela, autoaren ibilbide zehatza berregin dezakegu, baita irudiak beharren arabera okertu eta berriro zuzendu ere.
-
3. URRATSA
Argazkiak 360°-ko panoramika bihurtu
Irudi panoramikoen arteko hutsuneak ekiditeko, alboko kamerek pixka bat gainjartzen diren argazkiak ateratzen dituzte, eta gero argazkiak "lotzen" ditugu 360 graduko irudi bat osatzeko. Orduan, irudia prozesatzeko algoritmo bereziak aplikatzen ditugu "mozketak" arintzeko eta trantsizio leunak sortzeko.
-
4. URRATSA
Irudi egokia erakustea
Autoko hiru laserrek inguruko gainazalak jotzeko behar duten denborak esaten digu eraikin edo objektu bat zein distantziatan dagoen, eta horrela 3D modeloak eraiki ditzakegu. Urruneko puntu batera mugitzen zarenean, 3D modeloak zehazten du zein den irudi panoramiko onena kokapen hori erakusteko.
-
1. URRATSA
Irudiak jaso
Lehenik, han-hemen gidatu beharra dago, Street View-n erakutsi nahi diren kokapenen argazkiak egiteko. Hainbat faktore hartzen dugu kontuan –hala nola eguraldia eta zenbait eremutako populazio-dentsitatea–, ahalik eta irudi onenak noiz eta non lor ditzakegun erabakitzeko.
-
2. URRATSA
Irudiak lerrokatzea
Irudi bakoitza mapako kokapen geografikora egokitzeko, GPS, abiadura eta norabidea neurtzen dituzten autoko sentsoreen seinaleak konbinatzen ditugu. Horrela, autoaren ibilbide zehatza berregin dezakegu, baita irudiak beharren arabera okertu eta berriro zuzendu ere.
-
3. URRATSA
Argazkiak 360°-ko panoramika bihurtu
Irudi panoramikoen arteko hutsuneak ekiditeko, alboko kamerek pixka bat gainjartzen diren argazkiak ateratzen dituzte, eta gero argazkiak "lotzen" ditugu 360 graduko irudi bat osatzeko. Orduan, irudia prozesatzeko algoritmo bereziak aplikatzen ditugu "mozketak" arintzeko eta trantsizio leunak sortzeko.
-
4. URRATSA
Irudi egokia erakustea
Autoko hiru laserrek inguruko gainazalak jotzeko behar duten denborak esaten digu eraikin edo objektu bat zein distantziatan dagoen, eta horrela 3D modeloak eraiki ditzakegu. Urruneko puntu batera mugitzen zarenean, 3D modeloak zehazten du zein den irudi panoramiko onena kokapen hori erakusteko.
Ikusi norantz goazen
Herrialde askotan barrena dabil gure Street View autoa zure esperientzia hobetzeko eta zure ingurua ezagutzeko irudiak lortzeko. Ikusi autoa edo Trekker-a zein herrialdetan dabilen edo non ibiliko den hurrena.
| Lurraldea | Barrutia | Ordua |
|---|---|---|
| {[value.region]} | {[value.districts]} | {[value.datestart| date:'MM/yyyy']} - {[value.dateend| date:'MM/yyyy']} |
Gure eskuetan ez dauden faktoreen ondorioz (eguraldia, errepideen egoera, etab.), posible da inoiz gure autoak martxan ez izatea edo aldaketa txikiak gertatzea. Kontuan izan, zerrendan hiri jakin bat aipatzen denean, inguruko hiri edo herri txikiagoak sar daitezkeela.
Egon garen tokiak
Mapako eremu urdinek Street View erabilgarri dagoen tokiak erakusten dituzte. Handitu xehetasun gehiago ikusteko, edo arakatu edukia gure webgune eta aplikazioekin.
Street View osatzeko Google-ren gailuak eta tresnak
Ezagutu Street View osatzeko gailuak eta tresnak.
-
Street View autoa
Bide luzea egin dugu 2007an AEBtik abiatu ginenetik. Gaur egun zazpi kontinenteetara iritsi gara eta kokapen askotako 360°-ko panoramikak eskaintzen ditugu.
-
Street View Trekker-a
Trekker-arekin, munduko leku gehiagotara irits daiteke Street View, hots, gure auto, triziklo, orgatxo edo elurretako motorrak iritsi ezin diren txokoetara. Bizkar-zorro honek kamera-sistema bat du goialdean eta, bere eramangarritasunari esker, maniobrak egitea zaila den toki estuetara edo oinez bakarrik atzi daitezkeen tokietara irits daiteke. Kamera-teknologia hau erabiliz osatutako lehen bilduma Arizonako Arroila Handiaren eremu malkar eta harritsuan atera genuen.
-
Street View orgatxoa
Google-ren hainbat erabiltzaile artezalek Street View teknologia munduko zenbait museotara eraman nahi izan zutenean, sistema berria garatu behar izan genuen, museoetako ateetatik erraz sartu eta eskulturen inguruan modu egokian mugitu ahal izateko. Barrualdeko lehen saiorako, ekipamendu guztia armazoi txikiago batera egokitu genuen: "orgatxo" deritzon kamera-sistemaz hornitutako eskorga bat. Museoetan ez ezik, beste barrualde batzuetan ere bildu ditu ikuspegiak orgatxoak, hala nola Etxe Zurian eta hainbat kirol-estadiotan.
-
Street View elurretako motorra
Bestalde, bururatu zitzaigun ez zela ideia makala izango Street View kamerak eski-pistetara eramatea. Zenbait asteburutan, taldeak saioak egin zituen hainbat tresnarekin –2x4 ibilgailuak, itsasteko zinta, (hotzetik babesteko) eski-jaketan bildutako disko gogor estrak, etab.–, eta azkenean lortu zuen Street View ekipamendua elurretako motor batean muntatzea. Hala, orain, eskiatzaileek, snowboardlariek eta mendigoizaleek Whistler Blackcomb mendia eta bertako eremu gorabeheratsu eta elurtsuak ezagut ditzakete, inguruko hainbat eski-estaziok partekatutako irudiei esker.
-
Hiru gurpileko Street View
Kale txikiak dituzten hirietarako Street View Trekker onartzeko bezain indartsua den ibilgailu bat behar genuen. Kalexka estuetan sartu ahal izateko, Selis Robin motorra konponbide bikaina izan zitekeela bururatu zitzaion ingeniari talde bati. Ezagutu hiru gurpileko Street View. Masta osagarri bat gehitu da ibilgailuan Street View Trekker gailua egonkorrago egiteko.
